„მანჩესტერ სიტის" ნახევარმცველი სამირ ნასრი ვარაუდობდა, რომ ნაკრებში არ გამოიძახებდნენ.
შეგახსენებთ, რომ საფრანგეთის ნაკრების თავკაცმა დიდიე დეშამმა ნასრი მსოფლიო ჩემპიონატზე არ გამოიძახა.
„ამისთვის მზად ვიყავი. მქონდა ამის წინათგრძნობა. როცა მწვრთნელთან დალაპარაკება გინდა, ის კი იგნორს გიკეთებს, ეს გარკვეულ აზრებს ბადებს.
მორალურად უკვე მოვემზადე. რა თქმა უნდა, ეს შოკი იყო, მაგრამ ნებისმიერი ინფორმაციის აღსაქმელად მზად ვიყავი.
რა შემიძლია ამასთან დაკავშირებით ვთქვა? პატივს ვცემ მის გადაწყვეტილებას. მწვრთნელი მუდამ მართალია, ამიტომ არ ვიკამათებ", - განაცხადა ნასრიმ.
დიდიე დეშამმა თავისი გადაწყვეტილება იმით ახსნა, რომ მისი თქმით, ნასრი სათადარიგოთა სკამზე ვერ ჯდება.
„ეს რთული აღსაქმელია. ნებისმიერ მოთამაშეს ჰკითხეთ, მოსწონს თუ არა მას სკამზე ჯდომა და მისგან დადებით პასუხს ვერ მოისმენთ.
თუ ეს ერთადერთი გამართლებაა, მაშინ მიჭირს მისი გაგება. ორი მსოფლიო ჩემპიონატის გამოტოვება ნებისმიერი ფეხბურთელისთვის ტრაგედიაა", - გაამატა ნასრიმ.
