რეგიონული განვითარებისა და ინფრასტრუქტურის სამინისტროს ინფორმაციით, დარიალის ხეობაში ჰესის მშენებლობასა და მყინვარული ღვარცოფის გააქტიურების შედეგად მეწყერის ჩამოწოლას ერთმანეთთან კავშირი არ აქვს.
სპეციალისტთა შეფასებით, ეს ორი ზონა გეოლოგიურად სრულიად განსხვავებული ზონებია. ჰესის მშენებლობის ადგილი 20კმ-ით არის დაშორებული სტიქიის ზონას და აღნიშნულ მშენებლობას კავშირი არა აქვს კატასტროფასთან. სპეციალისტების შეფასებითვე, აღნიშნული ტრაგდია 5047 მეტრი სიმაღლის მწვერვალის - მყინვარწვერის ჩრილო-აღმოსავლეთ კალთაზე განლაგებული დევდარაკის მყინვარის ინტენსიური მოძრაობის შედეგია.
შეგახსენებთ, რომ ყაზბეგის მუნიციპალიტეტში ისტორიული მყინვარული ღვარცოფის გააქტიურების შედეგად ჩამოწვა მეწყერი, რომელმაც გადაკეტა თერგის ხეობა, ჩახერგა გზა და სატრანსპორტო კავშირს მოწყვიტა რუსეთ-საქართველოს სასაზღვრო მონაკვეთი.
ამასთან, მყინვარის ფენების მოძრაობის შედეგად ეკოლოგიური კატასტროფა მოხდა 2002 და 2007 წლებშიც.
