„როცა ივანიშვილი და მისი გარემოცვა დისკუსიებს მართავს, იქ სუბორდინაცია საერთოდ არ არსებობს“ - ამის შესახებ საქართველოს მთავარმა პროკურორმა არჩილ კბილაშვილმა „სიტყვა და საქმისთვის“ მიცემულ ინტერვიუში განაცხადა. როგორც მან აღნიშნა, მისთვის წარმოუდგენელი იყო, რომ ბიძინა ივანიშვილი პროკურორის თანამდებობას შესთავაზებდა - „ჩემთვის პროკურორობა წარმოუდგენელი იყო, ივანიშვილმა კი, საპასუხოდ განმიცხადა, რომ ამიერიდან ჩვენი გადაწყვეტილებები ადვოკატის აზრის ფილტრსაც გაივლის. სხვათაშორის, თავს ბოლომდე პროკურორად დღემდე ვერ ვგრძნობ. არ ვიცი, იქნებ იმიტომ, რომ შეგნებულად თუ შეუგნებლად, საკუთარ თავში ადვოკატს ვინახავ“ - ამბობს კბილაშვილი