ამერიკელმა ჟურნალისტმა, ჯეიმს კერჩიკმა რუსეთში ჰომოსექსუალიზმის პროპაგანდის ამკრძალავი კანონი გააპროტესტა და ქვეყნის ხელისუფლება ჰომოფობიაში დაადანაშაულა.
ჟურნალისტი ეთერში ბრედლი მენინგის გასამართლების თემის განხილვისთვის მიიწვიეს, თუმცა ჟურნალისტმა ტელეკომპანია „კრემლის პროპაგანდის ინსტრუმენტად მოიხსენია" და აღნიშნა, რომ რუსული მედია ჰომოსექსუალიზმის წინააღმდეგ კანონს არაჯეროვნად აშუქებს.
„მე არ მაინტერესებს ბრედლი მენინგზე საუბარი. მე მინდა ვისაუბრო საშინელ ჰომოფობიაზე რუსეთში. ჩვენ არ ვაპირებთ გავჩუმდეთ პუტინის საშინელი რეპრესიბის წინაშე. თქვენ პირდაპირ კრემლი გაფინანსებთ. თქვენ გაქვთ 24 საათი იმისთვის, რომ აშშ-ზე ცრუ ინფორმაცია გაავრცელოთ და რუსეთში მიმდინარე მოვლენების იგნორირება მოახდინოთ",-განაცხადა ჟურნალისტმა.
მოგვიანებით ტელეკომპანიის წამყვანმა მაყურებელს მოუბოდიშა და განმარტა, რომ მოწვეული ჟურნალისტი ეთერიდან იმიტომ მოხსნეს, რომ იგი გადაცემის მთავარ თემაზე არ საუბრობდა და თავისი შეხედულებების გამოხატვას ცდილობდა.
