დარიალის ხეობაში მეწყერის ქვეშ მოყოლილი სამი სატვირთო მანქანა იპოვნეს. შინაგან საქმეთა მინისტრის მოადგილემ ვახტანგ გომელაურმა ჟურნალისტებს განუცხადა, რომ რამდენიმე მძღოლის გადარჩენა მოხერხდა.

"იქით მხარეს დარჩენილი იყო სამი მანქანა, რომლებიც ნახევრად მოყოლილები არიან მიწაში. მათი გამოყვანა ხდება ახლა. თავად მანქანებში მიცვალებულები არ არიან. რამდენიმე მძღოლია გადარჩენილი. ერთი მანქანის მძღოლს ვერ ვპულობთ. როგორც სხვა მძღოლები აცხადებენ, გადმოვიდა მანქანიდან და დაიკარგა. ის სავარაუდოდ მიწის მასაში უნდა იყოს მოყოლილი", - განაცხადა გომელაურმა.

გომელაურის თქმით, სამაშველო სამუშაოები გრძელდება.