კულტურული მემკვიდრეობის დაცვის ეროვნული სააგენტოს გენერალურმა დირექტორმა ნიკა ანთიძემ გელათის მონასტერში მიმდინარე სარეაბილიტაციო სამუშაოები დაათვალიერა.

სარეაბილიტაციო სამუშაოები ორ ეტაპს მოიცავს და მასზე მილიონ ლარამდე თანხა დაიხარჯება. სამონასტრო კომპლექსის ტერიტორიაზე ასევე, წმინდა გიორგის ეკლესიისა და სოხასტერის აღდგენის სამუშაოები ხორციელდება.

„რეაბილიტაცია ღვთისმშობლის მიძინების ტაძრის მთლიანი არქიტექტურის ქვის კონსერვაციას და ტაძრის სრულ გადახურვას ითვალისწინებს. ხელოსნები ტაძრის გადასახურად კი, ფერადი მოჭიქული კრამიტის იმ ზუსტ ასლებს გამოიყენებენ, რომელიც გელათის არქეოლოგიური კვლევის დროს გამოვლინდა", - განაცხადა ნიკა ანთიძემ.