საგარეო საქმეთა მინისტრი, მაია ფანჯიკიძე, საქართველოში ვიზიტით მყოფ ჩეხ კოლეგასთან ერთად გამართულ პრესკონფერენციაზე ოკუპირებულ აფხაზეთში შექმნილ ვითარებას კიდევ ერთხელ გამოეხმაურა.

„ის, რომ აფხაზეთში დე ფაქტო ხელისუფლებასა და ოპოზიციას შორის დაპირისპირებაა, ახალი თემა არ არის. ეს ჩვენ დიდი ხანია, ვიცით. რას უკავშირდება ახლა იქ სიტუაციის შეცვლა, ამის თქმა გამიჭირდება.  აფხაზეთში სიტუაციას ვაკვირდებით და ვფიქრობ, ზედმეტი აჟიოტაჟის ატეხვა საჭირო  არ არის“, - განაცხადა მაია ფანჯიკიძემ.