„დემოკრატიული მოძრაობის" ერთ-ერთი ლიდერის და ამავდროულად საპრეზიდენტო კანიდიდატის, ნინო ბურჯანაძის განცხადებით, არჩევნებში მისი გამარჯვების ყველაზე მთავარი მიზანი, მიუკერძოებელი სასამართლოსა და გამოძიების ჩამოყალიბება იქნება.
„მე დარწმუნებული ვარ, რომ მიხეილ სააკაშვილს დამოუკიდებებლი სასამართლოსა და გამოძიების წინაშე კითხვებზე პასუხების გაცემა მოუწევს"- განაცხადა ჟურნალისტებტან ბურჯანაძემ.
მისი განცხადებით წინასაარჩევნო გარემო არადაბალანსებული და უსამართლოა.
"რთული იქნება ხელისუფლებაში მოსვლა, ვინაიდან, წინასაარჩევნო გარემო სამართლიანი არ არის. ამას განაპირობებს თუნდაც მმართველი გუნდის განცხადებები, რომ მათი კანდიდატი აუცილებლად გაიმარჯვებს პირველივე ტურში. ეს განაპირობებს იმას, რომ პოლიციისა და ადგილობრივი თვითმართველობების ხელმძღვანელები, თავიანთ რაიონებში ეცდებიან აუცილებლად გაიმარჯვოს მათმა კანდიდატმა. ასევე უსამართლოა დაფინანსებაც. თუ მმართველი ძალა მილიონობით ლარის დახმარებას იღებს, სხვა პოლიტიკური სუბიექტების დაფინანსება ფაქტობრივად ნულია", - აღნიშნა ბურჯანაძემ.
