რამდენიმე კვირის წინ ცნობილი გახდა, რომ ერთ-ერთ ღამის კლუბში, ტელეწამყვან თიკო სადუნიშვილს მობილური ტელეფონი მოპარეს. მომხდარზე საქმე აღიძრა და ტელეწამყვანი აცხადებდა, რომ იცოდა ვინ მოპარა ტელეფონი, თუმცა არ აპირებდა გამოძიებისთვის ხელი შეესალა და ეს საზოგადოებისთვის წინასწარ ეთქვა.

ცოტა ხნის წინ სადუნიშვილმა „Facebook"-ის საკუთარ გვერდზე შემდეგი შნაარსის ტექსტი გაავრცელა:

„პოლიციელებო, იქნებ გამოჩნდეთ. მაინტერესებს ჩემი ტელეფონის მოპარვის საქმის გამოძიება რა სტადიაშია?! აქ დაპოსტვის შემდეგ ხომ მეხმიანებით ხოლმე?! შეგნებულად არ ვაქვეყნებ ქურდის ფოტოს, გამოძიებისთვის ხელის შეშლაში რომ არ დამდოთ ბრალი!

 P.S. მხოლოდ ერთს ვიტყვი, პოლიციის პასიურობის მიზეზი შეიძლება იყოს ის ფაქტი,რომ ქურდი „ქართული ოცნების" აქტივისტია და მათი ხელისუფლებაში მოსვლის შემდეგაც არანაკლებად იხეირა!", - წერს სადუნიშვილი.

თიკო სადუნიშვილს „iPhone 5" რამდენიმე დღის წინ კლუბ „ქალაქურში" მოპარეს.

„ახლაც პოლიციაში ვარ, გამოძიება დაწყებულია და სავარაუდოდ იპოვნიან. იმ დღეს კლუბში იყო. გოგოებთან ერთად ვიყავი, საცეკვაოდ მოდიოდა ჩვენთან და ჩვენ თავიდან მოვიშორეთ. შეიძლება ჯინაზე გააკეთა. ბოლო ორი დღე ბლოკი მოხსნილი მქონდა და ვინც მობილური მომპარა ბოლომდე გაერთობოდა ჩემზე ინფორმაციებით", - აცხადებდა მაშინ ტელეწამყვანი.