ფინანსთა მინისტრის ნოდარ ხადურის შეფასებით, დღეის მდგომარეობით, არსებული მონაცემების საფუძველზე, 2014 წლის ბიუჯეტით დაგეგმილი 5%-იანი ეკონომიკური ზრდის მაჩვენებლის მიღწევა რეალურია. მინისტრმა დღეს ღია მმართველობის ფარგლებში 2014 წლის სახელმწიფო ბიუჯეტის შესრულების ანგარიში წარადგინა.

ხადურის ინფორმაციით, 2014 წლის პირველ კვარტალში მთლიანმა შიდა პროდუქტმა შეადგინა 6 879 000 ლარი, რაც 605 მილიონი ლარით მეტია 2013 წელთან შედარებით, ხოლო 1 მლრდ 97 მილიონი ლარით მეტია 2012 წელთან შედერებით. გარდა ამისა, 2014 წლის იანვარ-აპრილში მთლიანი შიდა პროდუქტის მოცულობამ შეადგინა 9 312 000 ლარი, რაც 739 მილიონი ლარით მეტია 2013 წელთან შედარებით. თუმცა, მინისტრის ინფორმაციით, 2014 წლის იანვარ-მაისში საგადასახადო შემოსავლების სახით ნაერთ ბიუჯეტში მობილიზებულია 2 მილიარდ 786 მილიონი ლარი, რაც დაახლოებით 130 მილიონი ლარით მეტია წინა წლის შესაბამის პერიოდთან შედარებით. 2014 წლის იანვარ-მაისის საგადასახადო შემოსავლების საპროგნოზო მაჩვენებელი ნოდარ ხადურის ინფორმაციით, 101%-ით შესრულდა და ნომინალურ გამოხატულებაში ფაქტობრივმა მაჩვენებელმა საპროგნოზოდ 27,9 მილიონი ლარით გადააჭარბა.

ფინანსთა მინისტრმა ასევე ისაუბრა, რომ 2014 წლის პირველი აპრილიდან დაიწყო დაუბეგრავი მინიმუმის დაბრუნება და აპრილ-მაისში 300 000 ფიზიკურ პირს, ჯამში დაახლოებით 90 მილიონი ლარი დაუბრუნდა.