საქართველოს ფინანსთა მინისტრის, ნოდარ ხადურის განცხადებით, ხელისუფლება „ნაციონალური მოძრაობის“ მიერ აღებულ ვალებს ისტუმრებს.

„ბევრს საუბრობენ, რომ ჩვენ ძალიან  ბევრ ვალს ვიღებთ. 2012 წელს თითქმის  4,4 მილიარდი ლარი იყო სახელმწიფო ვალი, 2013 წელს მისი მოცულობა შემცირდა და ამჟამად წარმოადგენს 4,1 მილიარდ ლარს. „ნაციონალური მოძრაობის“ მიერ აღებულ ვალებს ჩვენ ვისტუმრებთ“ - განაცხადა ხადურმა.

ამასთან, მინისტრის განმარტებით, 2013 წელს საქართველომ 194 მილიონი დოლარი საგარეო ვალი გადაიხადა, ხოლო 2014 წელს კიდევ 288 მილიონი დოლარის ვალის გადახდას გეგმავს.