„ის ხალხი, ვინც დანაშაულის ორგანიზატორები იყვნენ, დღეს დაზარალებულებად არიან ცნობილნი, რაც აბსურდია." - ამის შესახებ ბაჩო ახალაიამ ციხის ბუნტის საქმეზე წინასასამართლო პროცესის მიმდინარეობისას განაცხადა. როგორც ახალაიამ აღნიშნა, სირცხვილია, როდესაც მათ გასამართლებას პროკურატურა კანონიერი ქურდების საჩივრების საფუძველზე ცდილობს - „თქვენ გაგაჩნიათ მალხაზ სინაურიძის ჩვენება, რომელსაც თავის დროზე უკვე ჰქონდა ჩვენება მიცემული, მოგვიანებით კი, ყველა დანაშაული თავის თავზე აიღო. რას უშვრებით ამ ხალხს, არ ვიცი, თუმცა, ნუ იტყვით, რომ განსაკუთრებული მტკიცებულებები გაგაჩნიათ... დღესაც რომ ვხელმძღვანელობდე სასჯელაღსრულების დეპარტამენტს იგივეს გავაკეთებდი, რაც 2006 წელს გავაკეთე! " - განაცხადა ბაჩოა ახალაიამ პროკურორის მისამართით.
საქმის არსებითი განხილვა მოსამართლის გადაწყვეტილებით, 31 ივლისს დაიწყება.
