გამჯაშვილების 16 სულიანი ოჯახი, ქალაქ თბილისში, გლდანის რაიონში, მაისურაძის 24 ნომერში ცხოვრობს.

ოჯახის დიასახლისი - 45 წლის ლალი გამჯაშვილი, 12 შვილის,  8 ვაჟის და 4 ქალიშვილის დედაა. ჰყავს უმუშევარი მეუღლე და ავადმყოფი დედამთილი და მამამთილი.

ოჯახში უმეტესად  სასკოლო ასაკის ბავშვი ცხოვრობენ, ნაწილმა მე-9 კლასის დასრულეისთანავე მიატოვა სკოლა, ნაწილი კი  სკოლაში არ დადის.

გამჯაშვილების ოჯახის ერთადერთ შემოსავალი, სოციალური დახმარებაა, რომელიც  საკვებისთვისაც ვერ ჰყოფნით.

განსაკუთრებით ზამთრის გადატანა უჭირთ. სახლში გაუსაძლისი პირობებია. ჩვენთან საუბარში, ოჯახის თითოეული წევრის სანუკვარი ოცნება  -  სახლია -  ადამიანური საყოფაცხოვრებო პირობებით...

გამჯაშვილების 16 სულიან ოჯახს,  სხვა სოციალურ და ეკონომიკურ პრობლემებთან ერთად, ჯანმრთელობასთან დაკავშირებული მძიმე მდგომარეობაც აწუხებთ.

საზოგადოებისადმი ნიჰილისტური დამოკიდებულება  -  ყველაფერთან ერთად არც უამისობას განიცდიან...

მათ, ყოველგავრი დახმარების იმედი გადაწურული აქვთ. დავეხმაროთ გამჯაშვილების 16 სულიან ოჯახს.  თითოეულ ჩვენთაგანს შეუძლია,  რაღაც შეცვალოს  მათ ცხოვრებაში.