საქართველოს პრეზიდენტს გიორგი მარგველაშვილს შესაძლოა,  კიდევ ერთი უფლებამოსილება ჩამოერთვას. საუბარია ამჯერად შოთა რუსთაველის სახელობისა და საქართველოს ეროვნულ პრემიებზე, რომელთა მინიჭების პრეროგატივა აქამდე სწორედ ქვეყნის პირველ პირს ჰქონდა.

აღსანიშნავია, რომ მთავრობის სხდომაზე დღეს გადის საკითხი, რომლითაც აღნიშნული პრემიების მინიჭების უფლება პრეზიდენტისგან პრემიერ-მინისტრის ხელში გადადის.საკითხი მთავრობის სხდომაზე კულტურის მინისტრ გურამ ოდიშარიას გააქვს, თუმცა სხდომას, მის ნაცვლად, მინისტრის მოადგილე ალექსანდრე მარგიშვილი ესწრება.