სასჯელაღსრულებისა და პრობაციის მინისტრის, სოზარ სუბარის განცხადებით ციხეებსა და მსგავს დაწესებულებებში ინფრასტუქტურული პროექტების განხორციელება იგეგმება. ამ მიზნით უკვე დაიხურა ორი სასჯელაღსრულების #19-ე და ზუგდიდის დაწესებულება. "ბათუმში დავიწყეთ რემონტი და ოქტომბრის ბოლოს ევროპული დონის დაწესებულება ჩადგება მწყობრში. სავარაუდოდ, წლის ბოლოს გვექნება გამზადებული ფსიქიატრიული დაწესებულება, სადაც პატიმრებს, კვალიფიციურ დახმარებას აღმოვუჩენთ, ამას ვაკეთებთ არასამთავრობოებთან მჭიდრო თანამშრომლობის და მათი რჩევის გათვალისწინებით", – აღნიშნა სუბარმა. მისივე თქმით, ოქტომბრის ბოლოს იგეგმება გარემონტებული მე-16 დაწესებულების გახსნა. „ ეს იქნება დაწესებულება, სადაც პროფესიულ-ტექნიკური სასაწავლებელი იქნება, ასევე იქმნება სამუშაო ადგილები, საწარმოები, სადაც ადამიანები იმუშავებენ, ისწავლიან. დაწესებულება გათავისუფლდება ყოველგვარი კრიმინალური გავლენებისგან“. - განაცხადა სასჯელაღსრულების მინისტრმა.