ტელეწამყვანი თაკო ჩორგოლაშვილი, რომელიც ტელევარსკვლავად სატელევიზიო შოუ „ცეკვავენ ვარსკვლავებში“ მონაწილეობის შემდეგ იქცა, ქმარს დაშორდა.
თაკო ჟურნალ „სარკესთან“ ინტერვიუში იმ მიზეზებზე საუბრობს, რომელმაც მისი და მისი მეუღლის, კალათბურთელ რეზი დიდიას ახლადშექმნილი ოჯახი წელიწადნახევარში დაანგრია. თაკოს თქმით, ერთმანეთს ცივილურად დაშორდნენ, ინიციატივა თავად თაკოს ეკუთვნიდა.
„მე და რეზი რამდენიმე თვეა ერთად აღარ ვართ, ჩვენი ოჯახური ურთიერთობა დასრულდა, ცხოვრებაში დგება მომენტი, როცა ორი ადამიანი რაღაც ეტაპს ან გადალახავს, ან ვერა. ჩვენი დაშორება ძალიან მტკივნეული იყო და ეს ბუნებრივიცაა, თუმცა მგონია, რომ ცხოვრების ახალ ეტაპზე გადავედი და ამიტომ გულისტკივილი დღეს აღარ მაქვს. ალბათ ასე იყო საჭირო და ტყუილად არასოდეს არაფერი ხდება. ვერ გეტყვით, რომ კრიზისული პერიოდი ვერ გადავლახეთ, უბრალოდ გარკვეული მიზეზების გამო ბევრი ოჯახი ინგრევა და ჩვენც მათ რიცხვში აღმოვჩნდით.“ - განაცხადა თაკომ ინტერვიუში.
