წინასწარი შეფასებით, წინა წლის შესაბამის პერიოდთან შედარებით 2013 წლის ივლისში რეალური მთლიანი შიდა პროდუქტის ზრდის ტემპმა 0,6 პროცენტი, 2013 წლის მეორე კვარტლის მთლიანი შიდა პროდუქტის საშუალო რეალურმა ზრდამ 1,4 პროცენტი, ხოლო 2013 წლის პირველი შვიდი თვის მთლიანი შიდა პროდუქტის საშუალო რეალურმა ზრდამ 1,7 პროცენტი შეადგინა.

შეგახსენებთ: საქსტატის მონაცემებით, ივნისში ეკონომიკა  0.6%-ით შემცირდა. მაისში ეკონომიკის ზრდა 0,2 % იყო.

ცნობისთვის; მიმდინარე წლის ივლისის თვეში საქართველოში ექსპორტმა 240,1 მილიონი ლარი, იმპორტმა კი 708,4 მილიონი ლარი შეადგინა, მთლიანობაში კი სავაჭრო ბრუნვა 948,5 მილიონ ლარით განისაზღვრა, რაც 2010 წლის შემდეგ, ყველაზე მაღალი თვიური მაჩვენებელია.