საქართველოს განათლებისა და მეცნიერების მინისტრი თამარ სანიკიძე და ენერგეტიკის მინისტრი კახა კალაძე დღეს, სამტრედიის რაიონის სოფელ დაბლა გომის საჯარო სკოლაში მიმდინარე სარეაბილიტაციო სამუშაოებს გაეცნენ. 2013 წელს, სამტრედიის მუნიციპალიტეტის 11 საჯარო სკოლაში მიმდინარეობს სარეაბილიტაციო სამუშაოები, მათგან 10 ერთეული სოფლის სკოლაა.

სკოლის ინფრასტრუქტურის აღდგენა- განვითარების პროგრამის ფარგლებში, ენერგეტიკის სამინისტროსა და განათლებისა და მეცნიერების სამინისტროს კორდინირებული ქმედებებით, წელს 22 სკოლაში განხორციელდება გაზის შეყვანა და გათბობის სისტემების მოწყობა. ენერგეტიკის მინისტრის განცხადებით, დანარჩენ 17 სოფელში, მიმდინარე წელს გაზის ტრანსპორტირების კომპანია განახორციელებს შესაბამის სამუშაოებს.