მედიატურნირს სამინისტრო სპორტულ ჟურნალისტთა ასოციაციასთან ერთად მეოთხედ ატარებს . ერთმანეთს ტელე და ბეჭდური მედიის წარმომადგენლები, ასევე ბაჩო სვანიძის მეგობრების ნაკრები გუნდები ერთმანეთს ფეხბურთსა და კალათბურთში ეჯიბრებიან.
საფეხბურთო ტურნირს, რომელიც დილიდან მიმდინარეობს, საქართველოს ფეხბურთის ფედერაციის მინი-სტადიონი მასპინძლობს. საკალათბურთო შეჯიბრება კი ვაკის პარკში მდებარე საკალათბურთო დარბაზში 15:00 საათზე დაიწყება.
"ბაჩოს თასი 2014"-ის მხარდამჭერები არიან საქართველოს ფეხბურთის ფედერაცია, საქართველოს კალათბურთის ეროვნული ფედერაცია და კომპანია "ნატახტარი".
მთავარი პრიზისთვის ტრადიციულად თამაშობენ ბაჩოს მეგობრების გუნდი, ასევე ტელე და პრესმედიის ნაკრები გუნდები. ტურნირის გამარჯვებულები და საუკეთესო მოთამაშეები სამახსოვრო თასებით და მედლებით, ასევე მაისურებით და წიგნებით დაჯილდოვდებიან.
ამასთან, 2 ივლისს, სპორტულ ჟურნალისტთა საერთაშორისო დღეს, საქართველოს სპორტისა და ახალგაზრდობის საქმეთა სამინისტროში ბაჩო სვანიძისადმი მიძღვნილი წიგნის "ღიმილის ბიჭი" - პრეზენტაცია გაიმართება. გამოცემა საქართველოს სპორტულ ჟურნალისტთა ასოციაციამ მოამზადა.
