ექსპერტის ეკონომიკის საკითხებში, ლევან კალანდაძის აზრით მოსალოდნელია, რომ სირიის კონფლიქტმა სავალუტო კურსის ცვლილებებიც გამოიწვიოს. როგორც მან „რეპორტიორთან" აღნიშნა, ამ პროცესებმა შესაძლოა, გავლენა იქონიოს ევროს გაუფასურებაზეც.
„ნავთობ პროდუქტების ფასების ზრდასთან ერთად ფასების ზრდა მოსალოდნელია პირველადი მოხმარების პროდუქტებზეც. გარდა ამისა არის კიდევ ერთი რისკი, რომელიც სავალუტო კურსს უკავშირდება.
მთავარი ამ კონფლიქტში არის ამერიკა. ანუ ამერიკა იწყებს ეკონომიკური ტერმინით რომ ვთქვათ, დოლარების „წვას"(დოლარის ხარჯვას), რაც ბუნებრივია, ამერიკული ვალუტის გარკვეულ სიმყარეს გამოიწვევს. სრულიად შესაძლებელია, ევროპული სახელმწიფოებისთვი, რომლებიც ევროზე არიან მიბმულნი, მონეტარული თვალსაზრისით ამ ყველაფერს გარკვეული ნეგატიური შედეგები ჰქონდეს. შესაძლებელია, ამას თან ახლდეს არა მნიშვნელოვანი, მაგრამ ევროს საგრძნობი გაუფასურება."- აღნიშნა კალანდაძემ.
