დღეს, როდესაც ბიძინა ივანიშვილი პოლიტიკიდან წავიდა და ადგილობრივი თვითმმართველობის მეორე ტურისთვის გააფთრებული ბრძოლა მიმდინარეობს, „ნაციონალური მოძრაობა“ და მისი ლიდერი,მიხეილ სააკაშვილი საზოგადოებას მათი მმართველობის დროს განხორციელებულ პროექტებს ახსენებს, რომლებიც თითქოსდა მათ ააშენეს.
სიახლე არ არის, რომ ბიძინა ივანიშვილს საქართველოს განვითარებაში უამრავი თანხა აქვს ჩადებული, ხოლო მიხეილ სააკაშვილი მის ხარჯზე იკეთებდა პიარს და ბიძინას აშენებულს და გაკეთებულს რამდენჯერმეც კი ხსნიდა.
2012 წელს ფონდ ”ქართუს” დაკვეთით გამოიცა და გავრცელდა ალბომი ”ბიძინა ივანიშვილი : საქმით ნათქვამი”. აღნიშნული ალბომი შეძლებისდაგვარად გავრცელდა, მაგრამ დიდი სიხშირით. მასში ასახული არის ის შენობა-ნაგებობები და რესტავრირებული ეკლესია-მონასტრები თუ სახლ-მუზეუმები, რომლებიც ვითომდა ნაციონალურმა მოძრაობამ გააკეთა.
როტოკოლაჟში, რომელსაც „რეპორტიორი“ გთავაზობთ წარმოდგენილია ყველა ის საქმით ნათქვამი, რომელზეც ქველმოქმედმა 2, 8 მილიარდი დახარჯა და რომელიც ნაციონალებმა წარმატებით მიიწერეს.
