საქართველოს პრემიერ-მინისტრი, ბიძინა ივანიშვილი, ოფიციალური ვიზიტით ლიტვას ეწვევა. საგარეო საქმეთა მინისტრის მოადგილის, დავით ზალკალიანის ინფორმაციით, ივანიშვილი ლიტვის პრეზიდენტს, პრემიერ-მინისტრსა და პარლამენტის თავმჯდომარეს შეხვდება. ასევე დაგეგმილია სიტყვით გამოსვლა ლიტვის ევროპულ კლუბში. 18-19 ივლისს პრემიერ-მინისტრის ვიზიტი პოლონეთში გაგრძელდება, სადაც ის თავის პოლონელ კოლეგას შეხვდება. ზალკალიანის თქმით, შეხვედრაზე საქართველო-პოლონეთს შორის ორმხრივი ურთიერთობის დეტალებზე, ეკონომიკურ თანამშრომლობაზე და ევროატლანტიკური ინტეგრაციის პროცესზე ისაუბრებენ. დაგეგმილ ვიზიტს ევროპარლამენტარებთან შეხვედრის შემდეგ, გუშინ საქართველოს პრეზიდენტიც გამოეხმაურა. “მომწონს და მიხარია, რომ საქართველოს პრემიერ-მინისტრმა, ბიძინა ივანიშვილმა, ბოლოს და ბოლოს გადაწყვიტა ვიზიტით პოლონეთში წასულიყო“,- განაცხადა მიხეილ სააკაშვილმა.
