საქართველოს დიპლომატიისა და პოლიტიკის აკადემიის ინიციატივით, 21-28 ივლისს, ფლორენციაში აფხაზი ახალგაზრდების ნახატების გამოფენა მოეწყობა.
ღონისძიებას, რომელშიც ქართველი, მათ შორის აფხაზი ახალგაზრდების გარდა, იტალიის დიპლომატიური და პოლიტიკური წრეები მონაწილეობენ, პარტნიორობას მსოფლიოში აღიარებული რომუალდო დელ ბიანკოს ფონდი უწევს.
გამოფენა ღონისძიების - „საქართველოს დღეების" ფარგლებში მოეწყობა, რომელიც კულტურულ-სამეცნიერო ხასიათს ატარებს. ღონისძიების ფარგლებში, კონფერენიცია „საქართველოს გზა ევროპისკენ-გამოწვევები და პერსპექტივები" გაიმართება, რომელიც საქართველოსა და ევროკავშირს შორის გაფორმებულ ასოცირების ხელშეკრულებას ეღძვნება.
საქართველოს დღეების ფარგლებში, ასევე, ქართული სამოსისა და სამზარეულოს გამოფენა მოეწყობა. ღონისძიებას ქართული მხრიდან დიპლომატიისა და პოლიტიკის აკადემიის მსმენელები და აფზახი ახალგაზრდები დაესწრებიან. ამავე, ღონისძიების ფარგლებში, აკადემიასა და დელბ ბიანკოს ფონდს შორის ურთიერთთანამშრომლობის მემორანდუმი გაფორმდება.
„ძალიან მნიშვნელოვანია, ქართულ კულტურას პროპაგანდა გავუწიოთ რენესანსის სამშობლოში. საქართველოს დღეები ბევრ კულტურულ ღონისძიებას მოიცავს, რომელიც მნახველებს შესაძლებლობას მისცემს, ჩვენს ქვეყანაზე შთაბეჭდილება ჩამოუყალიბდეთ და საქართველოში ჩამოსვლის სურვილი გაუჩნდეთ. ჩვენ ასევე, შევხვდებით პოლიტიკური და არასამთავრობო ორგანიზაციების წარმომადგენლებს. ოკუპირებული ტერიტორიებიდან გამომსვლელ ახალგაზრდებს შესაძლებლობა მიეცემათ, ტრიბუნიდან გამოხატონ სურვილი - ქართველ და აფხაზ ახალგაზრდებთან ერთად, ერთ სამშობლოში იცხოვრონ " - აღნიშნა საქართველოს დიპლომატიისა და პოლიტიკის აკადემიიის წარმომადგენელმა თეონა ლავრელაშვილმა.
