ცვლილებები მინისტრთა კაბინეტში - პრემიერ-მინისტრ ირაკლი ღარიბაშვილის გადაწყვეტილებით, დღეს თანამდებობიდან 7 მინისტრი გათავისუფლდა. პრემიერის განცხადებით, გარკვეული სამინისტროები და მათი მუშაობა განახლებას საჭიროებდა.

„რეპორტიორი" შეეცადა გაერკვია,  რა დამოკიდებულება აქვს საზოგადოებას აღნიშნულ ფაქტზე.  მთავრობაში მიმდინარე საკადრო ცვლილებებმა საზოგადოების აზრი ორ ნაწილად გაყო. გამოკითხულთა უმრავლესობა ეთანხმება პრემიერ-მინისტრის გადაწყვეტილებას და აღნიშნავს, რომ გარკვეული ტიპის ცვლილებები ამ ეტაპზე აუცილებელი იყო. მეორე ნაწილი კი მიიჩნევს, რომ ღარიბაშვილის გადაწყვეტილება ნაადრევია.

ექსპერტების ნაწილი თვლის, რომ საკადრო ცვლილებებს შემოდგომაზეც უნდა ველოდოთ.