ბათუმში, დღეს შავი ზღვის რიგით მეშვიდე ჯაზ ფესტივალი იწყება. ფესტივალის წარმდგენი წელს "თიბისი ბანკის" პერსონალური საბანკო მომსახურება, TBC Status-ია. ბათუმის კორტებზე დღეს, 20:00 საათზე, ქართველი მსმენელი ჯაზის ლეგენდას შეხვდება, რვა გრემის მფლობელ უნივერსალურ ჯაზ-შემსრულებელს, Al Jarreau. ის დღემდე რჩება ერთადერთ მუსიკოსად მსოფლიოში, რომელსაც გრემი აღებული აქვს სამ სხვადასხვა კატეგორიაში: ჯაზი, პოპი და არენბი. 19 ივლისს კი, შავი ზღვის ჯაზ-ფესტივალს მსოფლიოს ერთ-ერთი წამყვანი გიტარისტი Mike Stern და ერთ-ერთი ყველაზე გავლენიანი ბასისტი Victor Wooten გააგრძელებენ. 20 ივლისს, ჯაზ-ფესტივალის პროგრამას კარმენ სოუზა გააგრძელებს, 27 წლის პორტუგალიელი ვოკალისტი, ლათინური ჯაზისა და ფუჟენის უბადლო შემსრულებელია. 21 ივლისს, ჯაზის მოყვარულებს დაუვიწყარი საღამო ელით Jose James-ის მონაწილეობით. ეს არის New Urban Jazz-ის, ჰიპ-ჰოპისა და ვოკალური ჯაზის საუკეთესო შემსრულებელი, რომელიც ცნობილია თავისი მუსიკალური პერფორმანსებითა და მუსიკისა და პოეზიის სინთეზის საოცარი უნარით. ოთხივე კონცერტს კლუბ Take Five-ში BIG JOHN & Vienna Soul Society დაასრულებს.