იპოთეკური სესხებით დაზარალებულებმა ბათუმში მორიგი საპროტესტო აქცია გამართეს. 30 ოჯახი მთავრობის სახლთან შეიკრიბა. როგორც დაზარალებულები აცხადებენ, მათ გამოსახლების შეჩერების შესახებ დაპირება 18 ივლისს პრეზიდენტისგან მიიღეს, თუმცა საკუთარი სახლების დატოვების შესახებ ოფიციალური გაფრთხილება ისევ მიუვიდათ.

აქციის მონაწილეები ხელისუფლებას გრძელვადიანი და დაბალპროცენტიანი სესხების მისაღებად ბანკებთან შუამდგომლობას, პროცესის დაწყებამდე კი საკუთარი სახლებიდან გამოსახლების შეჩერებას სთხოვენ.