თავდაცვის ყოფილი მინისტრის დავით კეზერაშვილის ადვოკატს ბექა ბასილაიას ბრალდების შესახებ დადგენილება  გადაეცა. ბასილაიას განცხადებით, მასალებს მოგვიანებით გაეცნობა.

ადვოკატის თქმითვე, დადგენილებაში „იმედის" ჟურნალისტების თეა სიჭინავას, სოფო მოსიძის, ლევან ჯავახიშვილის და სხვათა ჩვენებებია დართული. ასევე, არსებობს ირაკლი ოქრუაშვილის ჩვენება, რომლის შინაარსი ამ ეტაპზე მისთვის უცნობია.

შეგახსენებთ, რომ დავით კეზერაშვილს, მიხეილ სააკაშვილს, ზურაბ ადეიშვილს, გიგი უგულავას და ვანო მერაბიშვილს რამდენიმე  საქმეზე ბრალი წაუყენეს, მათ შორის, ტელეკომპანია „იმედში" შეჭრის საქმეცაა.