გარემოსა და ბუნებრივი რესურსების დაცვის მინისტრმა, ელგუჯა ხოკრიშვილმა და გაეროს განვითარების პროგრამის ხელმძღვანელის მოადგილემ,  შომბი შარპმა ბორჯომის რეგიონის ხელმძღვანელობასთან ერთად, სოფელ დაბაში ტყის აღდგენის მოსამზადებელი სამუშაოები მოინახულეს.

 2013 წელს 16.3 ჰა ტყის აღდგენის ღონისძიებები ფინეთის მთავრობის დაფინანსებითა და გაეროს განვითარების პროგრამის (UNDP) მხარდაჭერით განხორციელდა.

ამ დროისთვის უკვე დარგულია 17.500 ძირი სხვადასხვა სახეობის ხის ნერგი. ახლა 60 ჰა ფართობზე გაწმენდითი და მოსამზადებელი სამუშაოები მიმდინარეობს.

ხეების დარგვა ბორჯომში მიმდინარე წლის შემოდგომაზე განხორციელდება. ოცდაათმა ადგილობრივმა მაცხოვრებელმა გაიარა შესაბამისი მომზადება  და ტყის აღდგენის სამუშაოებზე დასაქმდა.