საარჩევნო გარემოს გაუმჯობესებაზე არასაპარლამენტო ოპოზიცია დღეს მე-11 შეხვედრას მართავს. როგორც "ახალი მემარჯვენეების" ერთ-ერთმა ლიდერმა, მამუკა კაციტაძემ განაცხადა, ნებისმიერი საკითხი, რომელიც არჩვენებთან არის დაკავშირებული დახვეწას და კორექტირებას საჭიროებს. "არ არსებობს მხოლოდ ერთი პრობლემა. პრობლემებია დაფინანსების, მედიის ხელმისაწვდომობის, საარჩევნო რესურსის გამოყენების კუთხით. ყველა საკითხი მნიშვნელოვანია. 3 საკითხთან დაკავშირებით ჩვენ მივაღწიეთ კონსენსუს. კიდევ ორ საკითხზე უნდა დაგვეწყო მოლაპარაკებები, მაგრამ შემდეგ ეს პროცესი შეჩერდა. ვიღაცამ შაბათს, ურეკში, კოალიციის საბჭოზე მუშტი დაარტყა მაგიდას და პროცესი შეწყდა"- განაცხადა მამუკა კაციტაძემ.