ამერიკის შეერთებულ შტატებში ვიზიტით  მყოფი საქართველოს მთავარი პროკურორი, არჩილ კბილაშვილი, ვაშინგტონის ფედერალური ოლქის მთავარ პროკურორს რონალდ მეიჩენ ჯუნიორს და ვაშინგტონის ფედერალური ოლქის პრობაციისა და წინასწარი დაკავების ზედამხედველობის სამსახურის თანამშრომლებს შეხვდა.  მთავარი პროკურორი ამერიკული სამსახურების  მუშაობის სპეციფიკას გაეცნო. 

,,ჩვენ განვაცხადეთ, რომ  საქართველოში ვიწყებთ სისხლის სამართლებრივი პოლიტიკის ლიბერალიზაციას,  რაც იმასაც გულისხმობს, რომ არაძალადობრივ დანაშაულებზე არ მოხდება ხალხის დაკავება-დაპატიმრება. სწორედ  ამ კუთხით , მნიშვნელოვანია , შეიქმნას  მექანიზმი, როდესაც ბრალდების წარდგენიდან, სასამართლო განხილვამდე , პირზე მეთვალყურეობას სპეციალური სამსახურის  დააწესებს", - განაცხადა არჩილ კბილაშვილმა.

მისი თქმით, ამერიკის შეერთებული შტატების იუსტიციის დეპარტამენტი მზად არის, ამ პროცესში საქართველოსთან აქტიურად ითანამშრომლოს.

საქართველოს დელეგაცია ამერიკის შეერთებულ შტატებში 16 ივლისს გაემგზავრა.  დელეგაციას საგარეო საქმეთა მინისტრი მაია ფანჯიკიძე  ხელმძღვანელობს. წევრები კი, არჩილ კბილაშვილი და პარლამენტარები: თინა ხიდაშელი, თედო ჯაფარიძე, ირაკლი ჩიქოვანი და დავით ონოფრიშვილი არიან.