ფოტოპროექტი სახელწოდებით „7 ნაგვიანი დღე“ - კალიფორნიელმა ფოტოგრაფმა, გრეგ საიგალმა გადაწყვიტა კაცობრიობის წინაშე არსებული ნაგვის პრობლემის ვიზუალიზაციის გზით მიეპყრო ფართო მასების ყურადღება იმ აუთვისებელ ნარჩენებზე, რომელსაც თითოული ჩვენგანი ყოველდღიურად აწარმოებს.
სხვადასხვა სოციალური ფენის, ცხოვრების წესის, ასაკისა და პროფესიის ადამიანები კადრზე ასახული არიან იმ ნაგავთან ერთად, რასაც ისინი ერთი კვირის განმავლობაში სანაგვე ურნებში ათავსებენ.
ოჯახები პატარა ბავშვებით, მოხუცი წყვილები, ახალგაზრდა, ლამაზი ადამიანები ნაცვლად სუფთა გარემოსი და მწვანე მდელოსი, ნაგვის ფონზე პოზირებენ და კადრები სადაც ადამიანები პოლიეთილენის პარკებთან და ბოთლებთან, საკვების ნარჩენებთან, ჟურნალ-გაზეთებთან და სარეკლამო ბუკლეტებთან ერთად არიან, არა მხოლოდ გარემოსდამცველებს, არამედ ნებისმიერ მნახველს დააფიქრებს იმ ზიანზე, რასაც ყოველდღიურად ვაყენებთ ბუნებას.
(მოამზადა ანა ნოდიამ)
(წყარო: wis.ge)
