დევნილთა და განსახლების მინისტრი სოზარ სუბარი ფოთში მოშიმშილე დევნილების მოთხოვნებს გამოეხმაურა და განაცხადა, რომ  ისინი დესტაბილიზაციის ფონის შექმნას ცდილობენ. მათ უკან კი „ნაციონალური  მოძრაობა" დგას. სუბარმა  განცხადება ზუგდიდში, დევნილთა მშენებარე ჩასახლების დათვალიერების დროს გააკეთა.

„ამ ადამიანებს აქვთ იმდენი ქულა, რაც არ არის დამაკმაყოფილებელი ამ ეტაპზე ბინების გასაცემად. მათ შორის არიან ხუთ ქულიანებიც. იყო გაუგებრობა ქალბატონ აბურჯანიასთან დაკავშირებით, რომელიც უკვე დავაკმაყოფილეთ ბინით. სხვა დანარჩენი დევნილები, ვინც შიშილობს,  ეტაპობრივად დაკმაყოფილდებიან", - განაცხადა  სუბარმა.

მინისტრის თქმით, მისი მოადგილეები აქციის მონაწილეებს არაერთხელ შეხვდნენ და ეტაპობრივად ბინების გადაცემას დაპირდნენ.