ყველაზე ტიპიური, ევროპული არჩევნები ჩატარდება ოქტომბერში და ეს ხელს შეუწყობს ჩვენი შეთანხმების ხელმოწერას“- ეს განცხადება პრემიერ მინისტრმა ბიძინა ივანიშვილმა ვილნიუსში, ლიტველ კოლეგა ალგიდას ბუტკევიჩიუსთან გამართულ ერთობლივ პრესკონფერენციაზე გააკეთა. ბიძინა ივანიშვილის განცხადებით, ვილნიუსში, 27 ნოემბერს, "აღმოსავლეთ პარტნიორობის" სამიტის ფარგლებში, იგეგმება ევროკავშირთან ასოცირების ხელშეკრულების პარაფირება. „ეს არის ჩვენი ძირითადი მიზანი და ჩემი აზრით, ეს მიღწევადია. ოქტომბრის არჩევნები, რა თქმა უნდა, ამაზე გავლენას მოახდენს. გარწმუნებთ თქვენც, ჩემი კოლეგაც დავარწმუნე და ფართო შევხედრაზეც გავუსვით ხაზი, რომ ოქტომბრის არჩევნები საქართველოს ისტორიაში სანიმუშო იქნება. საქართველოს ისტორიაში პირველად, სახელმწიფო რესურსები არ იქნება გამოყენებული რომელიმე ერთი კანდიდატურის სასარგებლოდ“ - განაცხადა ბიძინა ივანიშვილმა.
