„ერთად'' ახალი საქველმოქმედო პროექტია, რომლის მიზანია დაეხმაროს ადამიანებს სხვადასხვა იდეის განხორციელებაში კულტურის, მეცნიერების, განათლების და სპორტის სფეროდან.
პროექტის წლიური ბიუჯეტია 50 ათასი ლარია, საიდანაც ყოველთვიურად 4000 ლარი გამოიყოფა. თითოეული პროექტის ღირებულება 2500 ლარს არ უნდა აღემატებოდეს. გამარჯვებული პროექტი გამოვლინდება ხმის მიცემით. განხცადებების მიღება 25 ოქტომბრამდე მიმდინარეობს.
კონკურსში მონაწილე პროექტები ერთმანეთისგან განსხვავებულია და თითოეული მათგანი საზოგადოებრივი ცხოვრების სხვადასხვა სფეროში მდგომარეობის გაუმჯობესებას ისახავს მიზნად: „უსმინე მწერალს'' - ქართული ლიტერატურის აუდიო ჩანაწერების გაკეთების იდეა, „გამოაცოცხლე თბილისი'' - „გარბენი თბილისი მოლიდან'' „ლილო მოლამდე'' ჯანსაღი ცხოვრების წესის პოპულარიზაციის მიზნით, დევნილი ქალბატონებისთვის რესოციალიზაციის ხელშეწყობა, ახალგაზრდული ტელევიზიის ჩამოყალიბების იდეა. მოკლედ, იდეები ბევრია, მათი რეალობად ქცევა კი საზოგადოებას ხმის მიცემით შეუძლია.
პროექტის „ერთად'' ფარგლებში უკვე დაფინანსდა ხევსურეთის სოფელ ბარისახოს სკოლის ეზოში ბავშვებისთვის გასართობი მოედნის მოწყობა. ამ პროექტმა წინა თვეში მოიპოვა საზოგადოების მხარდაჭერა.
