8-12 ოქტომბერს საქართველო განახლებული ეროვნული სტენდითა და საინტერესო პრეზენტაციებით სტუმარი ქვეყნის სტატუსით კიდევ ერთხელ წარდგება ფრანკფურტის წიგნის ბაზრობაზე. საქართველოდან მონაწილეობის მისაღებად სულ ცხრამეტი გამომცემელია დარეგისტრირებული.

  ფრანკფურტში იმყოფება ქართული წიგნის ეროვნული ცენტრის ხელმძღვანელი დეა მეტრეველი, რომელიც ოფიციალურ შეხვედრებს გამართავს ფრანკფურტის ფესტივალის მესვეურებთან,  უცხოელ გამომცემლებთან, ლიტერატურის აგენტებთან და საერთაშორისო ორგანიზაციების წარმომადგენლებთან.

   კულტურის მინისტრი, მიხეილ გიორგაძე კი შეხვედრას ფრანკფურტის კულტურის სამსახურის უფროსთან, ფელიქს ზემელოტთან გამართავს. ბაზრობის ფარგლებში მინისტრი სიტყვით გამოვა საერთაშორისო სამიტზე„გამოწვევები განათლების სფეროსა და კულტურის პოლიტიკის საკითხებში.''

   8 ოქტომბერს ბაზრობის ფარგლებში დაგეგმილია დათო ტურაშვილის რომანის „ჯინსების თაობა'' გერმანული თარგმანის პრეზენტაცია.

   ფრანკფურტის წიგნის ბაზრობას 500 წლიანი ისტორია აქვს, რომელშიც ყოველწლიურად ათიათასობით გამომცემელი, ლიტერატურული აგენტი და მწერალი იღებს მონაწილეობას.

2018 წელს  საქართველო ფრანკფურტის წიგნის ბაზრობაზე საპატიო სტუმრის სტატუსით წარდგება.