განათლებისა და მეცნიერების სამინისტროს შოთა რუსთაველის ეროვნული სამეცნიერო ფონდი ნორჩ-გამომგონებელთა კონკურსს „ლეონარდო და ვინჩი 2014'' აცხადებს.

კონკურსში მონაწილეობა ყველა მოსწავლეს შეუძლია, როგორც ინდივიდულურად, ასევე ჯგუფურად. მსურველებს  ნამუშევრების ელექტრონულად დარეგისტრირება განათლებისა და მეცნიერების სამინისტროსა და რუსთაველის ეროვნული ფონდის ვებ-გვერდებზე www.mes.gov.ge; www.rustaveli.org.ge  8 ოქტომბრიდან შეუძლიათ.  პროექტი უნდა მოიცავდეს გამოგონების აღწერილობას, შესაბამის მაკეტს, მოდელს ან ნახაზებს. ელექტრონული რეგისტრაცია 3 ნოემბერს, ხოლო ნამუშევრების ფონდში წარდგენა 13 ნოემბერს დასრულდება.

კონკურსის გამარჯვებულებს კომპეტენტური ჟიური 6 დეკემბერს დაგეგმილ გამოფენაზე გამოავლენს.

 კონკურსის სამი გამარჯვებული ფულადი პრემიებითა და სპეციალური საჩუქრებით დაჯილდოვდება. გრან-პრის მფლობელი პროექტის ავტორი შემეცნებით ტურში საზღვარგარეთ გაემგზავრება. გაზაფხულზე კი ოთხივე პროექტის ავტორი საქართველოს სახელით „ინტელის" საერთაშორისო სამეცნიერო-საინჟინრო გამოფენაში „Intel ISEF"  მიიღებს მონაწილეობას.