ევროკავშირის კულტურული კვირეულის ფარგლებში საქართველოში ევროკავშირის წარმომადგენლობა უფროსკლასელებისთვის ესეების კონკურსს აცხადებს. კონკურსში მონაწილეობა საქართველოს ნებისმიერი საშუალო სკოლის 9-12 კლასის მოსწავლეებს შეუძლიათ.
მოსწავლეებმა სამი შერჩეული წიგნიდან - მიხეილ ჯავახიშვილის „თეთრი საყელო", უილიამ გოლდინგის „ბუზთა ბატონი'' და „ანა ფრანკის დღიური", ერთ-ერთზე უნდა დაწერონ მაქსიმუმ სამი გვერდის მოცულობის ლიტერატურული ესე. ნამუშევრები მიიღება ელექტრონულ მისამართზე: maia.chitaia@actiongroup.com
ესეების გაგზავნის ბოლო ვადაა 15 ოქტომბერი. გამარჯვებული ნამუშევრების ავტორები 27 ოქტომბერს დაჯილდოების ცერემონიაზე გამოცხადდება და დაჯილდოვდება შემდეგი პრიზებით:
პირველი სამი ადგილის მფლობელი - ელექტრონული რიდერი;
მეორე სამი ადგილის მფლობელი- 100-ლარიანი ვაუჩერი წიგნის მაღაზიებში;
მესამე სამი ადგილის მფლობელი - 50-ლარიანი ვაუჩერი წიგნის მაღაზიებში.
კონკურსის ჟიური დაკომპლექტებულია ქართველი მწერლებისა და ქართული ენისა და ლიტერატურის პედაგოგებისგან.
პროექტის მიზანია ევროპული და ქართული ლიტერატურის საუკეთესო ნამუშევრების პოპულარიზაცია და უფროსკლასელებში ლიტერატურის შესახებ მსჯელობის განვითარების ხელშეწყობა.
