რუსეთის ფედერაციის საბჭოს თავდაცვისა და უსაფრთხოების კომიტეტის თავმჯდომარის მოადგილის ნიკოლაი ფედორიაკის ინფორმაციით, რუსულ-აფხაზური შეთანხმება რუსეთ-საქართველოს ურთიერთობას არ აზიანებს. ამის შესახებ ფედორიაკმა "რეგიონს.რუ"-თან საუბრისას განაცხადა.
"საქართველოს რეაქცია ამ შეთანხმებასთან დაკავშირებით ადეკვატურად არ მიმაჩნია. იმის გამო, რომ საქართველომ აფხაზეთსა და სამხრეთ ოსეთთან მოლაპარაკება ვერ შეძლო, ორივე რესპუბლიკა თავისი ცხოვრებით ცხოვრობს. მათ მიერ რუსეთისადმი თხოვნით მიმართვა ბუნებრივია. საქართველო დახმარებისთვის ხომ ამერიკასა და ევროპას მიმართავს და რატომ არ შეუძლია აფხაზეთს დახმარების თხოვნით მოგვმართოს? ამერიკელებიც ხომ ეხმარებიან საქართველოს: აიარაღებენ, სამხედრო ინსტრუქტორებს უგზავნიან და რატომ არ შეიძლება, რომ ჩვენ აფხაზეთს დავუჭიროთ მხარი?!", - აცხადებს ფედერაციის საბჭოს დეპუტატი.
(მოამზადა ნინი მოდრეკილმა)
