მომღერალი ანრი ჯოხაძე ტელეკომპანია „რუსთავი2"-ის პროექტ ''ნიჭიერის" კონკურსანტის ამალია ჯიბლაძის ირგვლივ აგორებულ აჟიოტაჟს კიდევ ერთხელ ეხმაურება და აცხადებს, რომ თავისი ნათქვამი სიტყვების გამო, ბოდიშის მოხდას არ აპირებს.
მომღერალი ირწმუნება, რომ ამალიამ სიმღერა ცოცხლად არ შეასრულა და საზოგადოება შეცდომაში შეიყვანა. მომხდარის გამო, ანრი ჯოხაძის მისამართით არაერთი კრიტიკა გაისმა, საზოგადოების ერთი ნაწილი მომღერლისგან დეზინფორმაციის გავრცელების გამო, ბოდიშის მოხდასაც მოითხოვს.
„აშკარად სხვაგან ხართ... ანტი პიარის ბრალდებით პროფესიონალის აზრი თუ გაინტერესებთ, გეუბნებით, რომ ფონოგრამაა და თუ თქვენი დასკვნები გაქვთ ამასთან დაკავშირებით, არც ეგ არის პრობლემა...
ბოდიში რა პონტში უნდა მოვიხადო??? ეს გამოსვლა არის ფონოგრამა და აქ ორი აზრი არ არსებობს და შემდეგ ტურებში არავინ გედავებათ, რომ შესაძლოა, იმღეროს კარგად, თუ რა თქმა უნდა ცოცხალი იქნება, მაგრამ ეს გამოსვლა არ არის ცოცხლად ნამღერი", - აცხადებს ანრი ჯოხაძე.
(მოამზადა ნენე სტეფანიშვილმა)
