საქართველოს პარლამენტის ეროვნულ ბიბლიოთეკაში გიორგი კეკელიძის წიგნის „გურული დღიურები" პრეზენტაცია გაიმართა.
ავტორი „გურულ დღიურებში" თავისი ბავშვობის, ოთხმოცდაათიანი წლების გურიის რეალურ ისტორიებს ჰყვება. წიგნის ყდაზე კეკელიძის, შევარდნაძის, თხილისა და მანდარინის ფოტოებია გამოტანილი. „გურული დღიურები" ავტორის პირველი პროზაული ნაწარმოებია.
წიგნის გამოცემამდე ავტორი მთელი ზაფხულის განმავლობაში გურიაში მოგზაურობდა და კამერით გურული ქორწინების ისტორიებს იღებდა.
„გურული დღიურები" ესეების კრებულია, რომელშიც თავმოყრილია ის ტექსტები, რომელსაც თვეების განმავლობაში ვწერდი და გულისხმობს ისტორიებს, რომელიც მე გადამხდა თავს, ან იმ ადამიანებს, რომლებიც ჩემს ირგვლივ ტრიალებენ. ეს არის ერთგვარი მოგონებები, ოღონდ მოგონებები არაკლასიკური გაგებით, ემოციური რაკურსით დანახული. ვიდეოებს იმისთვის ვიღებდი, რომ ტექსტად გამომეყენებინა, მაგრამ მომავალში თუ მოვახერხებ, ერთ ფილმად შევკრავ", - ამბობს „რეპორტიორთან" საუბარში გიორგი კეკელიძე.
წიგნი გამომცემლობა „სიესტამ" გამოსცა და პრეზენტაციაზე ორასზე მეტი ეგზემპლარი გაიყიდა.
