საარჩევნო სუბიექტი, რომელიც საპრეზიდენტო არჩევნებში ამომრჩეველთა ხმების 10%-ის მოგროვებას შეძლებს, სახელმწიფო ბიუჯეტიდან 1 მილიონს მიიღებს. პარლამენტში ინიცირებული "საარჩევნო კოდექსის" თანახმად, საარჩევნო კამპანიის ხარჯების დაფარვის მიზნით 1 მილიონს მიიღებს, როგორც საპარლამენტო არჩევნებში 5%-ბარიერგადალახული საარჩევნო სუბიექტი, ასევე საპრეზიდენტო კანდიდატიც, რომელიც პირველ ტურში ხმების 10%-ს და მეტს მოაგროვებს.
კანონპროექტი ზაქარია ქუცნაშვილის მიერაა ინიცირებული. ხოლო მის ავტორად დასახელებულია ინტერფრაციული ჯგუფი და ცესკო. კანონპროექტს თან ერთვის მემორანდუმი, 12 პოლიტიკური გაერთიანების ხელმოწერით.
ამასთან, პარლამენტში ცალკე პროექტის სახით დარეგისტრირდა საარჩევნო კანონდებლობაში შესატანი ცვლილებები, რომელიც საარჩევნოდ ადმინისტრაციული რესურსის შეზღუდვას და ასევე უწყებათაშორისი კომისიის იუსტიციის სამინისტროს დაქვემდებარებში გადასვლას ითვალისწინებს.
