ფინანსთა მინისტრი ნოდარ ხადური დოლარის გაძვირებას საგანგაშოდ არ მიიჩნევს და აცხადებს, რომ ამ საკითხზე საუბრისას საგარეო ფაქტორების გათვალისწინებაა საჭირო.

„პრაქტიკულად, ყველა ვალუტის მიმართ დოლარი არის გაძვირებული ანუ ყველა ვალუტამ დათმო პოზიციები დოლარის მიმართ და მეტსაც გეტყვით, უკანასკნელი 5 წლის განმავლობაში დღეს დოლარი  ყველაზე მყარია.

მეორე, რაც ასევე მნიშვნელოვანია, ჩვენს ყველა მეზობელ ქვეყანაში (აზერბაიჯანის გარდა), რომელსაც აქვს თავისუფალი, მცურავი კურსი,  გაუარესებულია გაცვლითი კურსი. ეს არის თურქეთი, რუსეთი, უკრაინა, სომხეთი, შესაბამისად, საგარეო ფაქტორები გასათვალისწინებელია,"- განმარტა ნოდარ ხადურმა „რეაქციაში" საუბრისას.