საქართველოს ეკონომიკის მინისტრის პირველი მოადგილის დიმიტრი ქუმსიშვილის ვარაუდით, ლარის კურსი დოლართან მიმართებაში 1,85-1,80 იქნება. მისი თქმით, შაბათ-კვირამ აჩვენა, რომ ლარის კურსთან დაკავშირებით აჟიოტაჟი იყო.

„როდესაც კურსი არის აღმავალი და შაბათ-კვირა ემთხვევა, როგორც წესი, კიდევ უფრო მძაფრდება ხოლმე ეს ტრენდი. შესაბამისად, როდესაც ტრენდი შაბათ-კვირას შემოტრიალდა, ეს ნიშნავს, რომ ამ კვირაში კურსი ქვევით წამოვა. სავარაუდოდ, ჩვენ უნდა ველოდოთ 1,85-თან, 1,80-სთან მიახლოებულ დოლარის კურსს", - განაცხადა ქუმსიშვილმა.

(მოამზადა ალა გრიგალაშვილმა)