საქართველოს პრემიერ მინისტრიოს განცხადებით, მან ლიტვისა და პოლონეთის ოფიციალურ პირებს საქართველოს ე.წ ადმინისტრაციულ საზღვარზე მიმდინარე მოვლენებთან დაკავშირებით განცხადებების გაკეთება სთხოვა, - ამის შესახებ ბიძინა ივანიშვილმა ჟურნალისტებს ლიტვასა და პოლონეთში ორდღიანი ვიზიტის შეჯამებისას განუცხადა.
"მე მათ ვთხოვე, ამ ქმედებებზე პასუხი მოსთხოვონ რუსეთის ფედერაციას და თავისი პოზიცია დააფიქსირონ. აბა, ვნახოთ, როგორი განცხადებები გაკეთდება. მე მაქსიმალურად გავაკეთე აქცენტები ყველა შეხვედრის დროს, რომ მათ ჰქონდეთ რეაქცია", - აღნიშნა პრემიერმა.
პრემიერ-მინისტრის სამუშაო ვიზიტი პოლონეთში უკვე დასრულდა. ოფიციალური შეხვედრების დასრულების შემდეგ, ბიძინა ივანიშვილმა ქართულ მედიასთან ვიზიტის შედეგები შეაჯამა და ჟურნალისტების შეკითხვებს უპასუხა.
