ტექნიკური უნივერსიტეტის პროფესორი, ყოფილი ფინანსთა მინისტრი დავით იაკობიძე „საერთო გაზეთთან" საუბარში დოლარის გამყარების მიზეზებზე საუბრობს. მისი განმარტებით, დოლარის გამყარება დაიწყო მას შემდეგ, რაც მსოფლიო ბაზარზე ნავთობის ფასებმა დაიწია.
„მსოფლიოში ნავთობის ფასის დაკლების გამო დოლარის კურსი იწევა, რაც გამყარებული პოზიციებიდან გამომდინარე, შემდგომში ზრდის დოლარზე მოთხოვნას საქართველოში და ჩვენს ქვეყანაში არსებულ დეპოზიტებზე საბანკო პროცენტის განაკვეთების ასეთი ასიმეტრიულობა განაპირობებს ლარის დღევანდელ მდგომარეობას.
სამწუხაროდ, ფაქტია ის, რომ არასწორი განმარტებების გამო ხალხში ატყდა აჟიოტაჟი, გაურკვევლობა, რამაც განაპირობა ის, რომ ზოგიერთმა მათგანმა შესაძლებელია, არასწორად წარმართა თავისი ფინანსური ოპერაციები,"- განაცხადა დავით იაკობიძემ.
(მოამზადა ნინი მოდრეკილმა)