„მთავრობის სხდომაზე ფინანსთა მინისტრმა სკანდალური განცხადება გააკეთა, როცა პრემიერ-მინისტრს მიმართა: ჩვენზე ნუ დარდობთ, ხარჯების გეგმაში ჩამორჩენას ამ დღეებში აღმოვფხვრით, შენობა უნდა ვიყიდოთო", - აღნიშნულ კომენტარს ეკონომისტი რომან გოცირიძე აკეთებს:

„ნებისმიერი გზით ფულის დახარჯვა ბიუჯეტის ე.წ. „შესასრულებლად" და არა მისი ეფექტიანად გამოყენება, ყველზე უცნაურ მოვლენად მოგვევლინა ბოლო წლების ქართულ საფინანსო ცხოვრებაში. „ხარჯი თავისთავად" - კანტსაც კი შეშურდებოდა ეს აღმოჩენა. ტრანსცედენტული ბიუჯეტირების ახალ შემთხვევასთან გვაქვს საქმე.

P.S. მთლიანი შიდა პროდუქტის შექმნის პარადოქსი: თუ გადავწყვეტთ, რომ ჭა უნდა ამოვთხაროთ, სიმდიდრე იზრდება „ბიუჯეტიდან" ამ საქმეზე დახარჯული ფულის ოდენობით. თუ აღმოჩნდა, რომ შეცდომა მოგვივიდა, წყალი არ აღმოჩნდა და კვლავ მოგვიწია ორმოს ამოვსება, სიმდიდრე კიდევ უფრო იზრდება ამისთვის დამატებით გაწეული ხარჯების შესაბამისად. საბოლოოდ, მთლიანი შიდა პროდუქტი იზრდება ისე, რომ არავითარი „პროდუქტი" შექმნილა. ამას ჰგავს მთავრობის მიერ უამრავი სუბსიდირებილი საქმეები ( მაგ. ხვნა-თესვა საბოლოო პროდუქტის ზრდის გარეშე და ასე შემდეგ).

მოკლედ, მთავრობის საფინანსო-ეკონომიკურ პარადოქსებზე უნდა დავწერო წიგნი. რა თქმა უნდა, სატირულ-იუმორისტული ფორმით", - აღნიშნავს გოცირიძე.

(მოამზადა ანა ნოდიამ)