"მთავრობამ სწრაფად უნდა მიიღოს გადაწყვეტილება, თუ რას მოიმოქმედებს შს სამინისტროში არსებულ ფირებთან მიმართებაში." - ამის შესახებ არასამთავრობო ორგანიზაცია "საერთაშორისო გამჭვირვალობა - საქართველოს" წარმომადგენელმა, ეკა გიგაურმა  სასტუმრო "ქორთიარდ მარიოტში" განაცხადა. კომენტარი დავით ბაქრაძის განცხადებას მოჰყვა, რომლის თანახმადაც, ფარულ ვიდეომასალებში მისი ცხოვრების ამსახველი ჩანაწერებიცაა. „ჩვენთვის მთავარია, ზუსტად ვიცოდეთ ხელისუფლების დამოკიდებულება ვიდეომასალებთან დაკავშირებით. იმიტომ, რომ ერთი მხრივ, ეს შეიძლება იყოს გამოძიების ინტერესი, ხოლო მეორე მხრივ, ადამიანის პირადი ცხოვრების ხელშეუხებლობა - რაც უზენაესია," - განაცხდა ეკა გიგაურმა.