ფინანსთა სამინისტროს განცხადებას, რომლის მიხედვითაც 2014 წლის ბიუჯეტი შესრულდა „ახალი მემარჯვენეების" პოლიტიკური მდივანი მამუკა კაციტაძე ეხმაურება. კაციტაძემ დღეს გამარტულ პრესკონფერენციაზე განაცხადა, რომ „ხადური და კალკულატორი დასხდნენ და შექმნეს რაღაც".

„31 თუ 30 დეკემბერს მინისტრთა კაბინეტის სხდომაზე ნოდარ ხადურმა უპატაკა მინისტრთა კაბინეტს, რომ ბიუჯეტი სრულად შესრულდა. რიცხვს პლუს რიცხვი, მინუს რიცხვი და გამოვიდა რაღაც. ეს რომ რეალურად ასე არ ყოფილა, ყველამ კარგად იცის," - აცხადებს კაციტაძე.