„გამოძიება ინტენსიურად მიმდინარეობს. როგორც ადრე განვაცხადე, გამოძიებაში აქტიურად გვეხმარება ამერიკული მხარე. არ ვთვლი, რომ ეს არის გაჭიანურებული. პირიქით, ძალიან წარმატებით მიმდინარეობს გამოძიება. ამ ეტაპზე შეგნებულად არ ვახმაურებ გამოძიების დეტალებს, ვინაიდან, დასრულებამდე არ გვსურს ისეთი დეტალები გავახმაუროთ, რაც ნეგატიურ გავლენას იქონიებს გამოძიების შედეგებზე. შესაბამისად ჩვენ უნდა დაველოდოთ ყველანი ერთად. ასეთი სენსიტიური გამოძიების დროს სიჩქარე არ არის საჭირო.

რაც შეეხება ზოგადად ჩვენს გამოძიებაში სხვა სტრუქტურების ჩართულობას, მე საერთოდ ვერ ვხედავ ამის აუცილებლობას. ერთი მინდა ვთქვა, რომ ჩემი სამინისტროს საქმიანობაში, მუშაობაში, არავის მივცემ უფლებას, რომ ჩაერიოს. არავის საქმიანობაში არ ვერევი და ნურც ნურავინ ჩაერევა, ეს ძალიან მარტივია და ნურც ნურავინ შეეცდება, რომ გამოძიებაზე რაიმე ზეწოლა განახორციელოს. ეს არის ძალიან პრინციპული საკითხი. კიდევ ერთხელ ვიმეორებ, რომ ამ საქმეში არის ჩართული ამერიკული მხარე, ამიტომ მოვუწოდებ ყველას, რომ მოთმინება იქონიონ", - განაცხადა ღარიბაშვილმა.

შეგახსენებთ, რომ სოციალურ ქსელებსა და ქართულ საიტებზე, Hammad Zaman-ის სახელით თალიბანის სააგიტაციო ვიდეოები გავრცელდა, რომლებიც ქართველი ჯარისკაცების და ზოგადად, საქართველოს მიმართ ავღანურ მისიაში მონაწილეობის გამო მუქარას შეიცავდა. ვიდეოკლიპებთან დაკავშირებით, შინაგან საქმეთა სამინისტრო გამოძიებას აწარმოებს. იდენტიფიცირებულია IP მისამართი, რომლიდანაც მასალა აიტვირთა და დადგენილია ადგილმდებარეობა. გამოძიება აქტიურად მიმდინარობს და მასში ჩართულია FBI-ს და