დღევანდელი შეხვედრა მიხეილ სააკაშვილთან პრეზიდენტის ადმინისტრაციაში, რომელსაც სტუდენტები და ექსპერტები დაესწრნენ, კითხვა-პასუხის რეჟიმში მიმდინარეობდა, სადაც პრეზიდენტს ერთ-ერთმა სტუდენტმა ჰკითხა, რა გაკეთდა იმ ცხრა წლის განმავლობაში, რაც „ნაციონალური მოძრაობა" ხელისუფლებაში იყო. სტუდენტის აზრით, ილუზიაა იმის საუბარი, რომ ქვეყანაში რაიმე გაკეთდა.

სააკაშვილმა ამის საპასუხოდ ჰკითხა, ქრთამის გარეშე ჩააბარა თუ არა უნივერსიტეტში, რაზეც სტუდენტის უარყოფითი პასუხის  შემდეგ განაცხადა, რომ ესეიგი რაღაც მაინც გაუკეთებია, უფრო მეტი ეფექტისთვის, სჯობს ეწვიოს რუსეთს, სადაც იმას, თუ რა გააკეთა მისმა ხელისუფლებამ მმართველობის პერიოდში, ორ წუთში მიხვდება.